انا جايلك من المستقبل القريب جداً وبقولك اقرأ المقال كويس جدا وركز فى كل معلومه فيها
نقول بسم الله ونبتدي
التجارة الإلكترونية تنمو وتتغير بسرعة و تحتاج إلى مواكبة.
حتى هذه اللحظة فى عام 2021 حجم التجارة الإلكترونية فى العالم كله حوالى 4.9 تريليون دولار ومرجح انها توصل فى عام 2025 الى 7.3 تريليون دولار.
الصين من أكبر اسوق التجارة الإلكترونية في العالم ، يُتوقع أن يصل إجمالي المبيعات عبر الإنترنت إلى تقريباً عن 2.8 تريليون دولار أخر هذا العام 2021.
اقولكم حاجه تزعل بقى ?
بس هتديكم دفعه شويه ان لسه فى أمل وانك متأخرتش?
منطقة الشرق الاوسط وافريقيا هيا الابطأ فى النمو لمبيعات التجارة الإلكترونية وقفة عند 19.8% وبالنسبة لسرعة النمو تقريبا ثلث سرعة نمو التجارية الإلكترونية فى العالم بنسبة 27.6%.
عندنا بقى فى مصر ايوه ركز في دي ?
قدرنا نحقق المرتبة 48 في قائمة أكبر أسواق التجارة الإلكترونية بلغت الإيرادات 4 مليارات دولار نقدر نقول اننا حققنا زياردة بنسبة 79٪ فى سوق التجارة الإلكترونية المصري في عام 2020.
شوية ارقام كده للتسخين ?
دي بعض الشركات الى حقق ارقام افضل مبيعات فى 2020 :
1. souq.com US$123m قبل ما تبقي #امازون
2. btech.com US$21m
3. lcwaikiki.eg US$17m
4. elarabygroup.com US$13m
5. hihonor.com US$12m
مع توسع السوق بسرعة – المنافسة هتبقى شرسة .
تحتاج شركات التجارة الإلكترونية إلى البقاء فى المقدمة وعلشان تفضل فى المقدمه لازم تواكب المستقبل.
الى جاي وهو موضوع المقال
اكتر 5 اتجاهات ستبقيك فى المقدمه فى المستقبل:
(واسف هكتبهم بالانجليزية علشان مش هينفع تتكتب بالعربي مش هتتفهم قهوتك اللزيزه وركز معايا)
1- Omnichannel Shopping
2- AI and AR
3- New Payment Options
4- Rise of Visual Commerce
5- Data-Driven, Dynamic Pricing
هنقلكم معنى كل اتجاه فيهم :
1- Omnichannel Shopping – اوالتسوق عبر القنوات المتعدده :
اغلب المستهلكين الان بتبحث عن العلامات التجارية على الانترنت قبل ما تروحلهم المحلات التجارية “وهنا اقصد المحلات فعلياً الي على ارض الواقع المادي” وده علشان العميل دلوقتى بيقدر يوصل لاي معلومة على اي قناه ودول كتير جدا ومن اي جهاز وفى اي وقت – علشان كده المهم انك تدمج كل نشاطاتك التجارية وكل القنوات علشان العميل يقدر يحصل عليك بسهوله.
هو ده معنى التسوق عبر القنوات المتعدده – هيا دمج القنوات المادية وقنوات الانترنت التابعه ليك بشكل سلس وسهل – لكن لو تم ده بشكل صح.
تتبع استراتيجية omnichannel هتديك قيمة فعليا – فى بحث من #Google بيقول ان استراتيجية الـ omnichannel ساهمة فى زياده ٨٠% فى زيارات المتاجر الإلكترونية.
الصورة رقم 1
2– AI and AR
أو ما يسمي الذكاء الاصطناعي (AI) والواقع المعزز (AR)
يعمل الذكاء الاصطناعي والواقع المعزز على تغيير تجربة التسوق عبر الإنترنت مثل:
**نظام chatbots عن طريق الـ AI .
** مساعدين افتراضيين.
** التسوق المخصص باستخدام AI .
(دي محتاجة شرح بسيط )
(أيه رأيك اول متفتح اي قناه بتحبها ذي مثلا فيسبوك – تويتر – بحث جوجل …إلخ وفجأه لقيت المنتج الى بتدور عليه طيب بلاش دي خليك دخلت متجر بتحبه مثلا #Amazon أو #Jumia اي متجر ولقيت المنتجات مترتبة على حسب ما انت عايز وعلى حسب اهتماماتك لوحدها سبحان الله هو ده بقى التسوق المخصص عن طريق الـ #AI .
** تطبيقات الـ #AR تساعد على رؤية العالم المادي عبر الإنترنت.
هنشرح متقلقش بمعنى انك ممكن تشوف الملابس الى بتختارها عليك كأنك قدام مرايه
وتقدر تشوف الكرسي او المكتب او اللوحة الى بتحبها فى الاوضه او الصاله او المكتب كأنها فى الحقيقه وتشوف شكلها هيبقى اذاي هندعم بصور متقلقش ? .
الصورة رقم 2
3- New Payment Options
بشكل عام التسوق عبر الإنترنت المفروض يكون سلسة قدر الإمكان.
والدفع جزء مهم من هذه العملية ، وهذا هو السبب في أنه من الأهمية لتوفير طرق متنوعة من خيارات الدفع لتقليل التخلي عن سلة التسوق.
بعض خيارات الدفع المهمه:
** محافظ رقمية
** مدفوعات المحمول
** عملة مشفرة
(ممكن تتحبس فيها دي ? ) بس ده المستقبل تعتبر العملات المشفرة مهمه بشكل خاص تقنية blockchain والعملات المشفرة مهمه كوسيلة للدفع فى المستقبل .
4- Rise of Visual Commerce
العالم دلوقتى مليان بعلامات تجارية بتتنافس بإستمرار على جذب انتباه المستهلكين علشان كده الاتصال المرئي أكثر أهمية من أي وقت مضى مثل التصوير الفوتوغرافي عالي الجودة ومقاطع الفيديو والواقع المعزز للحفاظ على تفاعل العملاء.
بحث فى Shopify بيقول العملاء الذين شاهدوا منتجًا في الواقع المعزز أكثر عرضة بنسبة 65٪ للشراء.
5- Data-Driven, Dynamic Pricing
التسعيرالديناميكي هو عندما تقوم الشركات بتعديل الأسعار لتعكس طلب المستهلك. على الرغم من ان ده مش جديد لكن الجديد هو استخدام الذكاء الاصطناعي هو الى بيقوم بده بدقه وسهوله.
شركة Amazon فعلا بتطبع استراتيجية وتكنولوجيا التسعيرالديناميكي وده بيساعدها على تحسين استراتيجيات التسعير الخاصة بها.
وهنا يبقى وصلنا لنهاية المقال الى يوضح ان سوق التجارة الإلكترونية ينمو بسرعة ويتغير بنفس السرعة.
اتمنى انى اكون بساعد ولو بمعلومة صغيره فى هذه المجال
بعض المصادر التى اعتمد عليها المقال:
oberlo – logiq – ecommercedb – thinkwithgoogle – shopify – amazon
للتواصل عبر Facebook
للتواصل عبر linkedin