fbpx

Over 10 years we helping companies reach their financial and branding goals. Onum is a values-driven SEO agency dedicated.

CONTACTS

استراتيجيات الـ Upselling و Cross Selling في التجارة الإلكترونية

ركز علشان هتكلم عن

١- استخدام الـ Ecommerce Upselling# مع مجموعة من الاستراتيجيات لزيادة المبيعات وتحقيق عائد أكبر في #التجارة_الالكترونية. 

٢- الفرق بين Cross Selling vs Upselling. 

٣- أمتي تستخدم الاستراتيجيات وفي انهي مرحلة للحفاظ على مكانتك ومكانك وتطويرة في مستقبل التجارة الإلكترونية. 

الـ Upselling هي الجزء الأكثر ربحية من عملك نقدر نقول عليها انها غالبية إيرادات عملك.

هذه الاستراتيجيات تأخذ عملائك الحاليين ويحفذهم على شراء منتجاتك لزيادة أرباحك بشكل أساسي دون الحاجة إلى اكتساب عملاء جدد.

هنا بقى ملحوظة احنا هنا مش بنقول ان العملاء الجداد مش مهمين – ايوة متقولناش كلام مقلناهوش

انا بس بحاول اخليك تستفيد من العملاء الحاليين أفضل استفادة ممكنه

دلوقتى بالنسبة لمتجرك علي الإنترنت يعد البيع بالتجزئة أمرًا ضروريًا نقدر نقول اسباب:

الحفاظ على مكسب ثابت لعملك.

الاحتفاظ بالعملاء علشان يشتروا من علامتك التجارية بانتظام.

اكتذاب عملاء جدد.

بناء علاقة طويلة مع عملائك.

والسبب في نجاح الـ Upselling بسيط: أحفظ الجملة دي كقانون “من السهل البيع للعملاء الحاليين بدلاً من البيع للعملاء المحتملين الجدد“.

وذى ما شايفين و”مدركين” ان اغلب اصحاب الاعمال بيبذل جهد ومال فى اكتساب عملاء جدد ومهمل من غير ما ياخد باله ان اغلب الإيرادات جاية من قاعدة كبيره من عملائهم الحاليين.

لو مش عايز تبقى ذيهم فركز معايا فى المقال ده هنغطي تقريبا اساسيات البيع بالتجزئة لمتاجر الـ  #Ecommerce

نعرف الاول الـ Upselling ؟

الـ Upselling يستخدم غالباً لعرض مخططات لمقارنة منتجات أعلي جوده للعملاء .

نبسطها هيا عملية لإغراء العميل بعرض منتجات او خدمات جودتها افضل من الى طلبها (**الكلام ده سواء قبل ما يشتري فعلا او بعد ما يشتري) بسعر اعلي من الى هو طالبة نقدر من خلال العرض ده اقناع العملاء “بإنفاق فلوس اكتر” علشان يحصلوا على منتج افضل بجودة وقيمة اعلي .

اعتقد كده واضحة

طيب نوضحها بمثال

لو بتبيع كارت ميموري بسعر 185 جنيه ممكن تعرض عليه كروت تانيه ماركات أو امكانيات اعلى بـ 199 : 370 جنيه

السعر أعلى لكن هيحصل على قيمة أكبر.

انظر الصورة رقم 1

الفرق بين Cross Selling vs Upselling

طيب الاول نعرف الـ Cross Selling؟

الـ Cross-selling هو أسلوب بيع يستخدم لجعل العميل يدفع أكثر عن طريق شراء منتج مرتبط بما تم شراؤه بالفعل.

ندي مثال بردوا اشمعنى الـ Upselling 

يعنى مثلا دخلت تشتري موبايل اظهرلك مع الموبايل منتجات تانيه وتقدر تدمجهم مع المنتج الى بتشترية دلوقتى بضغطة واحده ذى مثلا جراب للموبايل علشان تحافظ علي تليفونك وكان سماعه بلوتوث علشان ايدك متوجعكش وانت ماسك التليفون وكمان ساعة سمارت لزوم الشياكة والروشنة

الصورة رقم 2

كمثال على الـ Cross Selling

حلو كده ركز معايا علشان الى عديناه فوق  بشوية سيرش هتفهمه وتعرفه بسرعه الى جاي بقى أهم .

نرجع تانى للفرق بين Cross Selling و Upselling

بالرغم ان الفرق بين الاتنين واضح إلا ان فى ناس كتير بتخلط بين الاتنين – الطريقتين فعلا الغرض منهم الحصول على المزيد من المبيعات من العملاء.

لكن لازم نوضح الفرق :

يحاول Upselling ترقية العملاء إلى مستوى أعلى من المنتجات.

يحاول الـCross Selling استكمال عملية شراء العميل بمجموعه من الملحقات والمنتجات التي يتم شراؤها معًا في اغلب الاوقات.

اكتر مثال نقدر نوضحه على امازون بتعمل كده دائماً شوفنا الصور فوق

فوائد Upselling للتجارة الإلكترونية الخاصة بك

خلينا نقول ان الفوائد هنا هترجع اكتر على البيع بالتجزئة.

يساعد الـ Upselling تجار التجزئة على بناء علاقات أعمق مع العملاء.

من الأسهل زيادة مبيعات العملاء الحاليين بدلاً من اكتساب عملاء جدد.

يؤدي البيع الزائد إلى زيادة قيمة العميل مدى الحياة (CLV).

يعود العملاء مع المزيد من العملاء الاخرين .

أفضل كتيكات او استراتيجيات البيع

يمكنك استخدام تكتيكات البيع في 3 خطوات:

قبل الشراء: اعرض التوصيات في أسفل صفحة المنتج أو في الشريط الجانبي (أحيانًا الاتنين مع بعض).

أثناء الشراء: اعرض التوصيات باستخدام النوافذ المنبثقة ، في عربة التسوق ، على صفحة الخروج أو في رسائل البريد الإلكتروني لعربة التسوق المهمله.

بعد الشراء: استخدم رسائل البريد الإلكتروني المخصصة للمتابعة لحث العملاء على العودة للمزيد.

حاجه ممتعه جدا انك تبقى فاهم عميلك وبالتالى بتدية احتياجته بشكل يسعدة ويمتعه انه يتسوق عندك اكتر . خليك فاكر كويس ان البيع بشكل مميز بيترك انطباع جيد عند العملاء ويحس وقتها انه كسب منك قيمة 

خليك معايا متوهش منى انا عارف انى بطول وكلام تقيل وشوية فصحي على شويه عمية استحملنى  بس لمصلحتك صدقنى بحاول بقدر الامكان انقلك خبرات وتجارب تكاد تكون عملية ركز كده معايا بقى وفنجانك القهوة اللزيز

الحاجات الى جاية اعتبرها نصائح ممكن تجربها :

التحفيذ على الشراء بمكافأة للعملاء عند إنفاق المزيد من الأموال على موقعك (مثال: تقديم شحن مجاني أو خصم على المشتريات الى جاية – مش جديده صح )

تأكد من أن المنتج الذي تبيعه يكون سعرة معقول مش مبالغ فيه –  فى نسبة بتقول ان نادرًا أن العميل يدفع أكثر من 25٪ من الميزانية الى بيخططلها.

حفذ العميل بعرض كمية المخزون وحدثه كل شويه ذي (“بقي قطعتان فقط”) أو تفكرهم برساله ان العرض متاح لفتره محدوده .

استخدمه اهتمامات العميل قدر الامكان لتعرض له منتجات مقترحه تضيفله قيمة حقيقه زغلل عنيه يعنى . 

توعية العملاء بالمخاطر أو الفرص الضائعة لعدم الاستفادة من العرض.

اعرض مجموعة جيدة من المنتجات المشابهه أو المماثلة ولكن متزودش عن الحد علشان ميرتبكش ويهرب.

أمتي تستخدم الاستراتيجيات وفي انهي مرحلة للحفاظ على مكانتك ومكانك وتطويرة في مستقبل التجارة الإلكترونية

مجموعة من الاستراتيجيات لزيادة المبيعات وتحقيق عائد أكبر في #التجارة_الالكترونية

فى ناس بتقولالاستراتيجيات 7 فى ناس بتقول 10 فى ناس بتقول 15 هعرض هنا الى انا شايفه مناسب من وجهة نظري للاسف

  1. الحافظ على حد أقصى للسعر
  2. جعل Upsells أسهل ما يمكن
  3. اعرض منتجات أو خدمات مجمعة واجعلها مقنعة
  4. أضف خيارات التوصية والنوافذ المنبثقة إلى متجرك
  5. دائما أعط خيارات متعددة
  6. استخدم اللغة الصحيحة
  7. عرض الشحن المجاني
  8. تحلى بالشفافية دائمًا بشأن أعطال التسعير
  9. ادوات التجارة الإلكترونية لاستخدام Upselling
  10. The Decoy Effect او التأثيرات الخداعية

هنتكلم بالمختصر عن كل طريقة منفصله خالى بالك علشان الكلام هنا تقيل والله وكل اما تخلص المقال للاخر هتبرق اكتر

حافظ على حد أقصى للسعر

اول حاجه هتحتاج تعرفها تأكد انك تحافظ على هامش السعر الاقصي مبلغ هتبيع بيه منتج الـ Upsell للعميل .

مثلا: إذا كان العميل هيشتري حاجه قيمته 50جنية – مش لازم و مفيش فايدة انك تعمل Upsell بمبلغ 100 جنية . افضل طريقة: يجب ألا يزيد هامش السعر عن 50٪ من مشتريات العميل الأصلية.

ممكن ترتفع بهامش سعر أعلي لكن فرص ذهاب العميل لها ضيفه بشكل كبير علشان تبعد عن المشكلة دي حاول انك تحافظ على عرض منتجات متزيدش عن 50% كهامش سعر .

وخليك محافظ ان اغلب منتجاتك على موقعك تكون في متناول اليد علشان تحافظ على استمرار شراء العميل المحتمل .

جعل Upsells أسهل ما يمكن

يجب عليك ان تجعل طريقة الاختيار سهله الى ابعد حد من خلال ضغطة ذر يضاف الى عربة التسوق مباشرتاً

اعرض منتجات أو خدمات مجمعة واجعلها مقنعة

افضل تقنيات البيع بالتجزئة الفعاله هيا تقديم الـ Bundles للعملاء مع المنتجات يضع العميل هنا فى استراتيجية الاحتياج فلن يستطيع لان شراء الاب توب بدون الشنطة او الموبايل بدون الجراب 

فعلها الان من خلال زرار Buy Bundles

الصورة رقم 3

أضف خيارات التوصية والنوافذ المنبثقة إلى متجرك

بالبلدي فى مثل بيقول الزن على الودان امر من السحر

سيبك من الجملة الى فاتت دي فى المتاجر عرض التوصيات للعميل داخل متجرك هيا بمثابة توجيهه لشراء منتج هو فى حاجه ليه او مهتم بيه زن عليه يشتري هيشتري لكن فين واذاي وايه الى هتعرضه على العميل ده هييجي من فهمك لعميلك هتعرض عليه من خلال (النوافذ المنبثقة – الرسائل بالوان مختلفه فى صفحات المنتجات – العروض على جانبي المتجر )

عرض مجموعة من توصيات المنتجات في نهاية الصفحة أو على الجانب طريقة رائعة لإغراء العميل لإضافة شيء منتج أخر إلى عربات التسوق الخاصة به. بالطبع ، كل هذا يتوقف على مدى ملاءمة المنتجات!

دائما أعط خيارات متعددة

مفيش فائده من بيع عرض واحد فقط لعملائك. 

يجب أن تحاول بيع عروض متعددة لعملائك. يفضل احياناً الجمع بين Cross Selling و Upselling أفضل لأنه سيزيد من فرصك في تحقيق إيرادات إضافية.

مثال ، يمكنك بيع منتج أخر على صفحة المنتج ، ثم بيع منتج آخر على صفحة عربة التسوق. سيؤدي هذه الطريقه الى زيادة متوسط قيمة الطلب وسيجد عملاؤك أنه من الأسهل بكثير شراء ما يحتاجون إليه (أو يرغبون فيه).

استخدم اللغة الصحيحة

عندما نتحدث عن التسويق الناجح ، تلعب اللغة دورًا مهمًا للغاية.

عند كتابة بيان لزيادة البيع ، يجب أن يكون هدفك هو جعل القارئ يفهم فقط مقدار القيمة التي تقدمها له. من خلال كتابتك ، يجب أن تجعل القارئ يتخيل كيف يمكن أن تكون هذه القيمة مفيدة لهم.

بدلاً من ذلك ، يمكنك استخدام الخوف النفسي من الضياع لحملهم على الشراء.

دور عن تكتب بتتكلم عن سيكلوجية العميل .

عرض الشحن المجاني

هذا يرتبط بالنقطة الثانية الى فوق الى هيا (2- جعل Upsells أسهل ما يمكن): اجعل البيع السريع أسهل ما يمكن. أفضل طريقة للقيام بذلك هي عن طريق تحفيز البيع والشحن المجاني.

وفقًا لـ UPS ، يبحث 43٪ من المتسوقين عبر الإنترنت عن تكاليف التسليم قبل التسوق عبر الإنترنت. يمكنك الاستفادة منه لجعل عمليات البيع أكثر جاذبية. لا يحب 47٪ من المتسوقين عبر الإنترنت الدفع مقابل الشحن المجاني.

تحلى بالشفافية دائمًا بشأن أعطال التسعير

اكتر حاجه بيحبها للعميل هو أن تكون شفافًا بتفاصيل الأسعار. 

يجب تقديم معلومات مفصلة لعملائك حول ما سيحصلون عليه عن طريق تقسيم ميزات المنتج للخيارات المتنوعة المتاحة لهم كل خيار بسعره.

ادوات التجارة الإلكترونية لاستخدام Upselling :

استخدم بعض الادوات لتنفيذ استراتيجية Upselling مش ضروري تكون بتكتب كود او تكون مبرمج فى ادوات موجوده فى plateforme كتير تقدر تستخدمها ذي مثلا – Shopify أو Opencart أو Magento أو WooCommerce وكتير من plateformes بتقدمها.

The Decoy Effect او التأثيرات الخداعية:

تأثير Decoy هو استراتيجية ذكية يستخدمها المسوقون لجعل الشخص ينتقل من منتج إلى آخر أغلى ثمناً.

نفترض أنك تبحث عن منتجين واحد معروض بالتجزئة بمبلغ 400 جنية ومعاه خمسة مرفقات ، وواحد تانى معروض بسعر 700 جنية لكن معاه 10 مرفقات.

وبرغم كده لسه مش واضح افضل قيمة مقابل سعره – دلوقتى ايه رأيك لو قدمت منتج بسعر 550 جنيه ومعاه 8 مرفقات مقابل 150 جنيه بس زيادة وقتها هتحصل على قيمه اكبر بنسبة 75%

هنا الخدعه ( اللعبه فى انك عرضت سعر خلا احد منتجات مزغلل كده ومغري ) ببساطة عندما يكون لدى المستهلكين خيارات متعددة ، فإنهم يواجهون ما يُعرف باسم overload.

للتخفيف من تشتتهم – يركز المستهلك على عاملين فقط: فى العادي هما الكمية والسعر علشان كده هذه الاستراتيجية ببساطة من أجل “دفع” الشخص نحو اختيار منتج معين.

فى النهاية 

دي كانت بعض وافضل استراتيجيات الـ Upselling التى تستخدم فى التجارة الإلكترونية جرب هذه الطرق فى متجرك على منتجاتك و حاول تجربة استراتجيات اخري وبعض الخدع فى البيع بالتجزئة ان شاء الله تأتي بثمارها فى متجرك.

لو كنت ملاحظ  ان زوارك يميلون الى شراء مجموعة اقل من المنتجات قم بعمل حملات ترويجية علشان يقدروا يشوفوا القيمة الحقيقية التى تقدمها فى منتجاتك الاعلي سعراً.

وطالما أنك تضيف قيمة إلى المستهلكين ، فستنجح دائمًا.

ملاحظة : تحتاج إلى مراقبة عروض البيع باستمرار وتحسينها لتناسب جمهورك المستهدف بشكل أفضل.

اسؤال ايه اكتر مثال عجبك ؟

كان نفسي ادي امثله كتير والله بس الموضع عدا عدا عدا على رأي عمرو دياب

والمقال كان هيبقى اكبر من كده بكتير لكن الى جاي اكثر ان شاء الله دعواتكم

للتواصل عبر Facebook

للتواصل عبر linkedin

Comment (1)

  1. Ahmed Saleh
    24 ديسمبر, 2021 رد

    ربنا يزيد ويبارك ف معلوماتك يا هندسة ياغالي

Leave a comment

لن يتم نشر عنوان بريدك الإلكتروني.

سجل بريدك الالكتروني لتحصل على هديه مجانيه

ٍسجل بريدك الالكتروني للحصول على هديه